Sahra Ghulam Nabi

Taýýarlan Sahra Ghulam Nabi

• Awgust 05, 2016

  Hazar: Dynç alyş hyzmatlary 25% gymmatlady

  Hazar deňziniň kenaryndaky ozalky Çeleken häzirki Hazar şäherçesinde dynç alyş hyzmatlary öňküsinden 25-30% çemesi gymmatlady. Geçen ýyl bu ýere dynç almaga baran türkmenistanlylar dynç alyş üçin niýetlenen jaýlaryň bir gije-gündizi üçin adam başyna 15-20 manat töleýän bolsa, häzir bu nyrh 25-30 manada ýetdi.

• Awgust 03, 2016

  Aşgabat: Gytçylyk gorkusy tekjeleri gowzadýar

  Türkmenistanda dollara girizilen çäklendirmeler we bazarlarda harytlaryň bahalarynyň gymmatlamagy netijesinde ýurduň käbir ýaşaýjylary hojalyk üçin gerek bolan käbir zerur harytlary gereginden köp satyn alyp başladylar.

• Awgust 02, 2016

  ‘Täze otly gatnawlary talaby doly ödemeýär’

  Türkmenistanda Aşgabatdan Türkmenabaşa we Türkmanabada gatanaýan ýolagçy otlusynyň sany artdyryldy. Edil häzirki gün Aşgabatdan Türkmenbaşa günde 3, Türkmenabada günde 4 ýolagçy otlusy gatnaýar.

• Awgust 01, 2016

  S.Türkmenbaşy şaýolunyň ýene bir bölegi ýapyldy

  Aşgabadyň Türkmenbaşy şaýolunyň ýene bir bölegi, ýagny Oguzhan köçesinden Atamyrat Nyýazow şaýolunyň çatrygyna çenli aralygy abatlaýyş işleri sebäpli ýapyldy.

• Iýul 29, 2016

  Aşgabat: Harytlar gymmatlaýar, resmiler söwdagärlere basyş edýär

  Şu günler Aşgabadyň bazarlarynda azyk we senagat harytlarynyň bahalarynyň barha gymmatlamagy bilen, bazar resmileri nyrhlary öňki durkunda saklamak ugrunda söwdagärlere basyş edip başladylar.

• Iýul 29, 2016

  Aşgabat: Çilim tekjelerden ýitirim boldy

  Eýýäm birnäçe günden bäri Aşgabadyň döwlet eýeçiligindäki dükanlarynyň tekjelerinden temmäki önümleri ýitirim boldy. Türkmenistanda şu ýylyň martynda bäri temmäki önümleriniň söwdasyny diňe döwletiň eýeçiligindäki dükanlar amala aşyryp bilýär

• Iýul 28, 2016

  ABŞ resmisi: Nepesgulyýewiň meselesini gozgaýarys

  Birleşen Ştatlaryň döwlet sekretarynyň Merkezi Aziýa boýunça kömekçisiniň orunbasary Türkmenistany söz azatlygy boýunça halkara borçnamalaryny berjaý etmäge çagyrdy.

• Iýul 27, 2016

  Türkmenistan dollar konwertasiýasyny çäklendirýär

  Türkmenistanyň banklarynda döwlete dahylsyz kärhanalaryň ofşor zonalardaky şertnamalary boýunça, türkmen manadyny daşary ýurt walýutasyna konwertasiýa etmek düzgüni doly ýatyryldy.

• Iýul 26, 2016

  “‘Türkmenhowaýollarynda’ uly nobatlar dowam edýär”

  Aşgabadyň awiabilet satylýan edarasynda emele gelen adamlaryň uly nobatlarynyň eýýäm bir hepdä golaý wagt bäri dowam edýändigi habar berilýär. Bu ýere bilet satyn almaga baran türkmenistanlylaryň dört-bäş sagatlap öz nobatynyň ýetmegine garaşmaly bolýandygy aýdylýar.

• Iýul 26, 2016

  “Çilim döwlete degişli dükanlarda-da tapdyrmaýar”

  Şu günler Lebap welaýatynyň Türkmenabat şäherindäki hökümete degişli dükanlarda çilim gytçylygynyň dörändigi, ýagny olaryň o diýen tapdyrmaýandygy habar berilýär. Indi bir aý çemesi wagt bäri dowam edýän bu gytçylygyň näme sebäpden dörändigi barada maglumat berilmeýär.

• Iýul 25, 2016

  “Kadr çalşygy bolýar, emma hiç zat üýtgemeýär”

  Prezident Gurbanguly Berdimuhamedow Maryda, kemçilikler üçin, bäş etrabyň häkimini, welaýatyň, bir şäheriň we bir etrabyň häkiminiň orunbasarlaryny işden boşatdy. Şeýle-de ol welaýat, etrap we şäher häkimleriniň we olaryň orunbasarlarynyň 11-sine käýinç we berk käýinç berendigini aýtdy. Mary welaýatynyň häkimi B.Annagurbanowa käýinç, onuň orunbasary J.Annaýewe bolsa berk käýinç berildi. Welaýat häkiminiň gurluşyk boýunça orunbasary Ý.Hommadow bolsa, “işde goýberen düýpli kemçilikleri üçin” diýlip, işden boşadyldy.

• Iýul 22, 2016

  Aşgabadyň awiabilet edarasynda nobatlar köpeldi

  Şu günler Aşgabadyň awiabilet satylýan edarasynda adamlaryň uly nobatlarynyň emele gelendigi, olaryň azyndan dört sagatlap öz nobatynyň ýetmegine garaşmaly bolýandygy habar berilýär.

• Iýul 21, 2016

  Aşgabat: Köçeleriň ýapylmagy we bökdençlikler

  Şu gün Aşgabatda azyndan iki saglyk edarasynyň açylyş dabarasy bilen baglanyşykly paýtagtyň demirgazyk we günorta böleklerinde ençeme köçe ýapyldy.

• Iýul 20, 2016

  "Pristroýkalaryň" galyndylary birnäçe aýlap arassalanmaýar

  Aşgabadyň birnäçe etrapçasynda köpgatly jaýlardan sökülip aýrylan goşmaça otaglaryň gurluşyk galyndylary birnäçe aýlap arassalanmaýar.

• Iýul 18, 2016

  “Ýaşaýjylar kabel telewideniýä tomaşa edip bilmeýär”

  Aşgabadyň Parahat-4 etrapçasyndaky käbir köpgatly jaýlaryň ýaşaýjylarynyň eýýäm bir hepdä golaý wagt bäri kabel telewideniýesine, şol sanda daşary ýurt habar beriş serişdeleriniň telekanallaryna tomaşa edip bilmeýändigi habar berilýär.

• Iýul 13, 2016

  “Işçiler aýlyk haklaryny alyp bilmeýär”

  Aşgabatda hususy kärhanalarda işlän ençeme işçi öz aýlyk haklaryny eýýäm birnäçe aý bäri alyp bilmeýändigini aýdýar.

• Iýul 12, 2016

  Aşgabat: Işewürleriň pul çalyşmak ýeňillikleri ýatyryldy

  Türkmenistanyň “Senagatçylar we Telekeçiler birleşigine” agza firmalar indi ýurduň banklaryndan türkmen manadyny daşary ýurt walýutasyna çalşyp bilmeýärler.

• Iýul 12, 2016

  Bilet ýetmezçiligi: Ýolagçylar geçelgelerde uklaýar

  Şu günler Aşgabat-Serhetabat ýolagçy otlusynda bilet ýetmezçiliginiň ýiti duýulýandygy, ýolagçylaryň otlynyň geçelgelerinde sapar edýändigi habar berilýär.

• Iýul 08, 2016

  Aşgabat: Ýene-de abat seýilgäh “bibatlanýar”

  Şu günler Aşgabadyň “Atyn asyr” seýilgähinde rekonstruksiýa işleri geçirilýär. Seýilgähiň daş-töweregine demir haýat aýlanyp, onuň içinde gurluşyk işlerini alyp barýan agyr tehnikalar we gum depeleri peýda boldy.

• Iýul 07, 2016

  Aşgabat: Ýurtda galla plany dolduryldy

  Şu ýyl Türkmenistanda 1,6 million tonna gallanyň ýygnalandygy habar berilýär. Bu san ýurtda galla hasylyny almak boýunça döwlet tarapyndan kesgitlenen galla planynyň dört ýyldan soň, indi ilkinji gezek doldurylandygyny görkezýär.

Ýene-de ýükle